इलेक्ट्रिक चार्जिंग स्टेशनचं लायसन्स झालं स्वस्त, युवकांना व्यवसायाची मोठी संधी

नवी दिल्ली : Electric Charging Station License Fees : देशात आता मोठ्या प्रमाणात इलेक्ट्रिक वाहनांची विक्री सुरू झाली आहे. मात्र अजूनही इलेक्ट्रिक वाहनं चार्ज करण्यासाठीचं चार्जिंग इन्फ्रास्ट्रक्चर भारतात उपलब्ध नाही. चार्जिंग इन्फ्रास्ट्रक्चर तयार करण्यासाठी केंद्र सरकार आणि राज्य सरकारे प्रयत्न करत आहेत. दिल्ली सरकार देखील यासाठी जोरदार प्रयत्न करत आहे. दिल्लीमध्ये इलेक्ट्रिक वाहनांसाठी चार्जिंग स्टेशन्स उभारण्यासाठी परवाना शुल्क (लायसन्स फीस) कमी करण्यात आलं आहे. दिल्ली विकास प्राधिकरणाने या प्रस्तावाला मंजुरी दिली आहे. त्यामुळे आता राजधानी दिल्लीतील पेट्रोल-डिझेल पंप आणि सीएनजी स्टेशनवर मोठ्या प्रमाणात ईव्ही चार्जिंग स्टेशन उभारले जाऊ शकतात.

www.janvicharnews.com

देशात इलेक्ट्रिक वाहनांना चालना देण्यासाठी सर्व सरकारे प्रयत्न करत आहेत. दिल्ली विकास प्राधिकरणाच्या या निर्णयामुळे दिल्लीतील रस्त्यांवर इलेक्ट्रिक वाहनांची संख्या वाढण्यासही मदत होणार आहे. गेल्या तिमाहीत दिल्लीत इलेक्ट्रिक वाहनांच्या विक्रीत १० टक्के वाढ झाली आहे. दिल्लीकरांनी जास्तीत जास्त इलेक्ट्रिक वाहनं वापरावी, पेट्रोल, डिझेलवर चालणाऱ्या वाहनांचं प्रमाण कमी होऊन दिल्लीतलं प्रदूषण कमी व्हावं, यासाठी दिल्लीतलं अरविंद केजरीवाल सरकार प्रयत्न करत आहे. त्यामुळे दिल्लीत इलेक्ट्रिक वाहनांची संख्या वाढवण्यासाठी पायाभूत सुविधांचा विकास करण्यासाठी आणि नवीन इन्फ्रास्ट्रक्चर उभारण्यासाठी सरकार प्रयत्न करत आहे. शहरात अधिक ईव्ही चार्जिंग स्टेशनसह इलेक्ट्रिक वाहनांची विक्री वाढण्याची अपेक्षा व्यक्त केली जात आहे. डीडीएने बुधवारी एक निवेदन जारी केलं आहे, ज्यामध्ये असं म्हटलं आहे की, “ग्रीन फ्यूलला प्रोत्साहन देण्यासाठी आणि वायू प्रदूषण रोखण्यासाठी किंवा त्याच्या धोक्यांशी लढण्यासाठी दिल्ली विकास प्राधिकरणाने पेट्रोल/डिझेल पंपांवर चार्जिंग स्टेशन्स उभारण्यास मान्यता दिली आहे. प्राधिकरणाने या साइट्स/स्टेशन्ससाठी कमी परवाना शुल्क (लायसन्स फीस) आकारण्याचा निर्णय घेतला आहे.”

www.janvicharnews.com

लायसन्स फीस
दिल्ली विकास प्राधिकरणाने दिलेल्या माहितीनुसार या आर्थिक वर्षात ईव्ही चार्जिंग स्टेशन उभारण्यासाठी वार्षिक परवाना शुल्क पेट्रोल पंपांसाठी ५३ लाख रुपये आणि सीएनजी स्टेशनसाठी ४६.११ लाख रुपये इतकं आहे. असे सीएनजी स्टेशन जिथे पेट्रोल आणि डिझेल देखील विकलं जातं त्यांच्यासाठी परवाना शुल्क ४३.४६ लाख रुपये आणि ४७.७० लाख रुपयांच्या दरम्यान असू शकतं.